عصام سلطان: "الفلول" رصدوا 1.5 مليار جنيه للانتخابات المقبلة

أكد المحامى عصام سلطان، نائب رئيس حزب الوسط، أن ميدان التحرير أصبح الملجأ الأول والأخير للثوار بعد قرار تفعيل قانون الطوارئ وإصدار قانون الانتخابات الجديد، الذى عدل لصالح فلول الحزب الوطنى، على حد قوله.

وقال سلطان فى تصريحات لـ"اليوم السابع" خلال مشاركته فى مليونية "استرداد الثورة" بميدان التحرير اليوم: "7 أحزاب جار تأسيسها من قبل فلول الوطنى الذين عادوا من جديد وجمعوا ملياراً ونصف المليار جنيه استعداداً لخوض الانتخابات البرلمانية القادمة"، مشيرا إلى ضرورة تفعيل قانون الغدر السياسى.

وأضاف: "هناك رأيان داخل أجهزة الدولة، الرأى الأول أننا فعلا قمنا بثورة ويجب تنفيذ مطالبها والرأى الثانى يرى أنها مجرد اضطرابات أو أحداث وسرعان ما سيعود الحال إلى ما كان عليه"، موضحاً أن النظام لم يتغير حتى الآن وإن الكثير من القيادات الحالية يرتبطون بالنظام السابق.

اليوم السابع | خطاب سابق للمشير بعدم تلقى أوامر إطلاق نار على المتظاهرين بـ"الحياة"

خطاب سابق للمشير بعدم تلقى أوامر إطلاق نار على المتظاهرين بـ"الحياة"
أذاع برنامج "منتهى الصراحة" الذى يقدمه الإعلامى مصطفى بكرى على قناة الحياة 2 فى حلقة البرنامج مساء أمس الخميس فقرات من النص الأصلى لخطاب المشير حسين طنطاوى رئيس المجلس الأعلى للقوات المسلحة فى حفل تخريج دفعة استثنائية من ضباط كلية الشرطة يوم 16 مايو الماضى، والتى لم تذع من قبل.


وجاء فى تلك الفقرات من خطاب المشير قوله: "لم يطلب منى أحد شخصيا ولم يطلب من القوات المسلحة أو المجلس الأعلى للقوات المسلحة إطلاق النار ضد المتظاهرين".


وأكد المشير فى خطابه "هذه شهادة حق وشهادة صدق وأن الله تعالى سيحاسبنا عليها وأنا أمين على ذلك".


وأضاف المشير: "هذا القرار الذى اتخذته القوات المسلحة بمساندة ثورة 25 يناير- يعنى أن الهدف من الثورة لم يكن سيئا ولكن أهدافنا تلاقت مع أهداف الثورة فى ضرورة تغيير المناخ إلى مناخ أكثر حرية وأكثر ديمقراطية".


وجاء فى الفقرات التى بثها البرنامج من خطاب المشير والتى تذاع لأول مرة قول المشير: "إحنا اجتمعنا فى ذلك الوقت وأخذنا آراء بعضنا والشىء المشرف لكل المجموعة اللى هى بتاعة المجلس الأعلى للقوات المسلحة، كلها.. كان القرار بتاعها.. لا.. لا نفتح نيران على الشعب، وكان هذا هو القرار".
شاهد الفيديو من هنا

الجزيره مباشر تانى مره

كان ياما كان فى سالف الزمان كان فيه ثوره اسمها 25 يناير وطبعا زى مبيقول حماده هلال كانت يوم 25 يناير,الشعب ثار اخيرا اخد القرار ثار على حسنى وعياله سقاهم المر 18 يوم  وغار حسنى وفرحت الناس,كانوا غلابه افتكروا ان الروايه انتهت وان اخيرا الشعب بقا ليه القرار لاكن يا فرحه ما تمت خدها المجلس وطار,اخذ يماطل ويماطل ويماطل ثم يماطل لحد ما مرت 5 شهور من غير ما يتحرك غرهم حب الشعب لجيشه كانوا فاكرين انهم يقدروا يروضوا شعب بحاله وعياله خرجولنا بطبول النصر كان نصر ليهم وبعدها قلبوا وهاتك يا تلطيش يمين وشمال زى الاعمى مش بيحاسب مره اعتقال لاهانه المجلس الموقر ومره اتهام بالعماله ومره ومره ومره لحد المذيعه دينا عبد الرحمن ومشكلتها انها دافعت عن اصحاب الرأى سلطوا عميلهم عشان يطردوها ازاى تعترض على بشوات البلد,فياويلك لو تكتب مقال ويا سواده لو تجيب سيرتهم وحش اصلهم اتعودوا على التطبيل وعاش الملك,مرت الاذمه والناس مابين استنكار وادانه والمجلس الموقر ودن من طين,رجعولنا وزير الاعلام فلولى صح عارف المصلحه فين اولها الغاء تراخيص جديده وبعدها الطوفان كان انذاره( بالجزيره)ثم الجزيره ثم....قفلها عشان ترخيص مع ان كان معاهم اتنين والتانى ف السكه معطل بفعل فاعل ومش اى فاعل ديابه يا ابن بلدى لاكن شوف الصدف كانوا عايزين ترخيص واحد بس جابولهم اتنين لاكن ازاى ماهى طلبت معاهم وان متمتش هتبوظ الخطه,طب اول مره قالولك التراخيص التانيه بقا ليه؟مقالوش.

اقول انا يوم 30 سبتمبر بكره ياعنى فى مليونيه وهما مرعوبين من كده فبيماسوا تقييد الاعلام بنفس غباء حسنى وعياله قال يعنى كده حيجموا الموضوع لاكن بردوا معذورين لا شافوا نت ولا آى باد ولا حتى نوكيا 1110طب يا مجلسنا الموقر بدل الحركات دى شوف الناس عايزه ايه لو السلطه فى عينك مش هاتطولها انجز يا مجلسنا وسيبك من حركات حسنى,بلاش تقييد الحريات اصل سكته بطاله كنا بننادى بحريه الاعلام ومتفائلين بعصر تطلق فيه عنان الطاقات البشريه ولازلنا لان الشعب ده ما بغى عليه باغ الا جعله من الاسفلين وكفايه.       

وقفه مع طلعت السادات

الاستاذ طلعت السادات طبعا غنى عن التعريف,نشر اليوم السابع خبر ليه عنوانه(السادات يستعين برجال الوطنى لاداره الانتخابات ) العنوان تصادمى وهو لم ينكره لاكن قال عادى,يا أستاذ ازاى عادى دا انت بتستعين بالشيطان لتسييرك دنيويا وده عاقبته جهنم وبئس المصير,ورسالتى لشاب الثوره احذروا هذا النوع هو اخطر انواع الفلول الخبر الرسمى اهه,وان شاء الله ليا وقفه مع طلعت السادات بس فى موضوع تانى.

استعان طلعت السادات رئيس حزب مصر القومى بعدد من قيادات الحزب الوطنى "المنحل" فى تشكيلات الحزب الداخلية بالمحافظات، وذلك استعداداً للانتخابات البرلمانية المقبلة التى أعلن الحزب خوضها.

وأصدر الحزب بياناً باختيار علاء الصاوى كأمين عام لأمانة الحزب بالقاهرة الذى كان أحد أعضاء الحزب الوطنى "المنحل" الذى دفع به الحزب فى انتخابات دائر مدينة نصر فئات خلفاً للراحل مصطفى السلاب.

وأكد الحزب فى بيانه، أنه سعى إلى ضم "الصاوى" للاستفادة من خبراته، وتكليفه بتشكيل أمانة محافظة القاهرة.

وأكد علاء الصاوى خلال البيان، أنه فضل الانضمام لحزب مصر القومى، لأنه الحزب الموعود الوحيد القادر على تنفيذ أهدافه، وأنه كرجل سياسى يفضل أن ينضم لحزب قوى يستطيع من خلاله تقديم خدمات للمواطنين، وأن وجود رجل مثل طلعت السادات على رأس الحزب بما يتميز به من قدرة وخبرة ومهارة وجرأة وصراحة نفتقدها فى هذه المرحلة هو ما شجعنى على أن انضم لهذا الحزب .

وبخصوص الاتهامات التى توجه للحزب على أنه حزب الفلول، وأنه خرج من عباءة الحزب الوطنى المنحل، قال الصاوي، أنه يتوجه فى هذا الوقت العصيب الذى تمر به البلاد إلى كافة القوي السياسية والشعبية بأن تتحد جميعا فى يد واحدة حتى يتم استقرار البلاد، وكفانا أن نتكلم عن فلول الحزب الوطنى خلال الأشهر السابقة، وليعلم الجميع أن هناك كوادر شريفة للغاية كانت تعمل تحت مظلة الحزب الوطنى المنحل، ولكن كانت قيادات الحزب الوطنى الفاسدة تقوم بتهميش الصفوف الثانية والثالثة من الحزب والتى كانت تعمل لخدمة المواطن ودليلى على ذلك أنهم إلى الآن لهم شعبية وثقل فى الشارع المصرى وتحاول كل الأحزاب الموجودة على الساحة الآن بلا استثناء ضمهم .

وعن أول قرار سوف يتخذه بصفته أميناً لمحافظة القاهرة، أشار إلى أن هذا التوقيت يفرض أولويات علينا القيام بها على وجه السرعة أولها الانتشار فى الشارع المصرى والتعريف بالحزب وأهدافه وتقديم المقترحات والحلول لجميع المشاكل التى تواجهنا والوقوف بجوار الشباب أصحاب الأفكار الواعدة وسرعة اختيار الكوادر المشرفة التى ستمثل الحزب فى الانتخابات القادمة.

جوله المشير والاعلام المصرى

 فى تمام الساعه التاسعه من مساء القاهره يوم السادس والعشرين من سبتمبر2011 قام التليفزيون المصرى اذاعه جوله قام بها المشير طنطاوى فى وسط البلد بلا حراسه لحد كده عادى جدا مفيش اى مشكله من نزول المشير وقد عانينا طوال الحقبه الماضيه من الهاله التى كانت تحيط بالحاكم والانعزال التام الذى يفرضه بلا مبرر على نفسه,ولكن هناك الكثير من علامات الاستفهام منها مثلا توقيت الجوله,الجوله كانت عقب تسريبات شهاده المشير وقبل الاعلان الدستورى بيوم واحد لماذا هذا التوقيت هل لقياس شعبيته ان كان ذلك فهى لا تقاس بالجولات على الاطلاق والا كان مبارك يملك شعبيه طاغيه واحنا زهقنا من التمثيليات الكدابه دى كان علطول شويه من الحرس بزى مدنى ويهتفوا عاش الملك واطاحت به الثوره او انه تلميع بغرض الاستمرار كرئيس بدلا من قياده المرحله الانتقاليه وتبقا الثوره( مجرد اكله سمك) وبالهنا والشفا للى عايشين والله يرحم الشهداء ويصبر اهاليهم,وهو ما ارفضه جمله وتفصيلا ,لاكن اصبت بصاعقه و غلت الدماغ فى ام راسى لما سمعت الصحفى جمال بيقول _المشير يصلح للقياده بزى مدنى_ قبل ان اكمل نشرت صفحه كلنا خالد سعيد ارشيف للصحفى جمال نصه كالآتى أرشيف مدير تحرير الأهرام جمال زايدة صاحب التصريح (العفوي جدا) الخاص باقتراح تولي المشير رئاسة مصر بعد ان صورته عدسات التلفزيون المصري (بالصدفة البحتة) مرتديا الزي المدني في منطقة وسط البلد .. تحذير المقالات تعبر عن تحول فكري (عميق) قبل وبعد الثورة:

قبل الثورة .............................

13 / 2 / 2008
رأيت مصر التي أعشقها حين فاز منتخبنا الوطني بكأس إفريقيا.. ذهب إليهم الرئيس مبارك يكرمهم ويبلغهم فرحه شخصيا وفرح الأمة المصرية بالأبطال.. لم يتردد جمال أو علاء مبارك في الذهاب إلي المطار لاستقبال
http://bit.ly/pRWkuQ

15 / 7 / 2009
الوزير حبيب العادلي رجل أمن صارم يعمل في صمت مهمته الاساسية هي تطبيق القانون علي الجميع.. وتحقيق الاستقرار.. ومتابعة الخارجين علي القانون بلا هوادة.. هو أحد كوادر الدولة المصرية.. ورث تقاليدها.. ويتابع تنفيذها.
http://bit.ly/ooT2gO

9 / 3 / 2010
سلامتك ياريس
http://bit.ly/pwlIP0

11 / 11 / 2010
إعجابي بالدكتور فتحي سرور استاذ القانون الجنائي والمفكر القانوني الكبير يفوق اعجابي بالبرلماني رئيس مجلس الشعب فتحي سرور.
http://bit.ly/qT8qh9

17 / 11 / 2010
كمال الشاذلي رقما فاعلا في الحياة السياسية المصرية لمدة 47 عاما
http://bit.ly/o455eN

23 / 11 / 2010
ما تقوم به السيدة سوزان مبارك من أجل تطوير التعليم في مصر هو جهد غير مسبوق
http://bit.ly/qmGA23

14 / 12 / 2010
الرئيس مبارك زعيم وطني
http://bit.ly/nxniaY

25 / 12 / 2010
شكرا سيدي الرئيس
http://bit.ly/rhPnGd

26 / 12 / 2010
الشهادة واجبة أيضا وزير الداخلية السيد حبيب العادلي لا يترك ضابط شرطة مخطئ بدون عقاب.. مفاهيم حقوق الانسان وصلت الي جهاز الشرطة.
http://bit.ly/n71Kgn

||||||||||||||||||||||||||

||||||||||||||||||||||||||||||||||||||||

وطبعا بعد الثورة ..............


ثروة الرئيس
http://bit.ly/qEdtDu

9 / 4 / 2011
جمال مبارك على رأس من سرقوا واستنزفوا الموارد المصرية
http://bit.ly/p6gi3w

9 / 5 / 2011
مبارك صاحب اللامشروع
http://bit.ly/mYzXPR

9 / 6 / 2011
بعض كوادر وقيادات الحزب الوطني المنحل تحاول أن تتسلل للحياة السياسية مرة أخري
http://bit.ly/n5uB1K

27 / 6 / 2011
مصر أدارت سياسة خارجية ضعيفة مع دول الجوار قائمة علي عدم تقدير حقيقي لمكانة الامة المصرية
http://bit.ly/o6JyYJ

17 / 8 / 2011
أين رجال الوريث
http://bit.ly/r8uYai 16 / 2 / 2011

طبعا واضح ان متلون والراجل مبيغلبش فى النفاق لاكن بعد كل ده هو مش موضوعى,الموضوع ان اللحظه اللى نزل فيها المشير التلفيزيون كان موجود وفى نفس الوقت الصحفى جمال فى الاستوديو عمال يقسم والمزيع يطبل وراه,لايمكن يكون كل ده بالصدفه

واكيد كل ده مخطط لاكن خد دى

 انواع الموبايلات اللى ظهرت ف الفيديو قديمه جدا ولا اعتقد ان لسه فى منها لحد دلوقت, الفيدوالكامل اهه

يعنى وارد ان الفيديو قديم والدليل ان اللى حواليه مش كتير والمعروف ان الناس ممكن تعرف الممثلين بسهوله لاكن اصحاب المناصب فى الجيش كتير ميعرفهمش(أقصد ايام مبارك مش دلوقت)يعنى كان عادى انهم يمشو ف الشارع من غير حراسه لاكن دلوقت وكمان بعد شهادته فى المحكمه الناس اما انهم مبسوطين او مش مبسوطين منها فمحرد نزوله هيخلى العدد ف اللمون ودى وسط البلد مش المعادى ولا المقطم , الخلاصه من كل الهرى ده ايه ان بنسبه 40% الفيديو ده قديم وبنسبه 20% ان اللى حواليه يأما حرس بزى مدنى او عاملين ف التليفزيون وبنسبه 20% مترتبه والباقى ان الموضوع صدفه, فى الختام ان كان المجلس العسكرى بيحب البلد ميفكرش ف الستيلاء على السلطه واى محاوله لكده هتفشل لان الشعب صاحى كويس وعينه على الرئيس المدنى مش عسكرى بزى مدنى.