احد البرامج الاذاعيه كان بينقاش مشكله كبيره جداً بتواجه المصريين ، المشكله اللى كل مشاكلنا متوقفه عليها يا ترى ايه المشكله دى ؟!!
المشكله ان فيه مسلسل ف رمضان الجاى هيكون من غير فنانات (كارثه) والمذيعه بتتكلم بحرقه وازاى ده يحصل والقواعد الفنيه ومش عارف ايه وكلام يصعب على امثالى فهمه....
سيبنا من الكلام ده خلينا ف البرنس اللى عايز يضغط على اسرائيل عشان متمولش السد الاثيوبى يقوم يقترح ان مصر تفتح معبر رفح امام البضائع كورقه ضغط على اسرائيل -طبعاً بغض النظر عن باقى الابداعات اللى طلعت بيها من الاجتماع ده- لاكن دى بالذات فقعتنى، فى حاجه مهمه هو ليه البضائع بتدخل عن طريق كرم ابو سالم من اسرائل ف الاساس؟
لأن فى اتفاقيه مصر ملزمه بيها مع اسرائيل يكون معبر رفح عبور افراد فقط، وطالما ان مش هينفع تفتح المعبر لحاجه زى دى فأنا من موقعى هذا بقترح اننا نوارب المعبر امام حركه البضائع منفتحوش ع الآخر.
بس سؤال ايه علاقه المعبر بالسد؟!!
يمكن كل اللى فات يمكن تجاوزه ،لاكن عندما يتكلم رأس الدوله الكل لازم يسمع ، رئيسنا ادام الله خطاباته ولا قطعها من عاده المح بضربه عسكريه لأثيوبيا ،بالنسبالى مبيعجبنيش اسلوب الجعجعه الفاضيه ومعرفش ان كان بأمكاننا نعمل كده ولا لأ خاصهً ان اثيوبيا دوله حبيسه وتبعد عننا حوالى 2000 كيلومتر ،وبعيدين حاجه زى دى مينفعش فيها التهويش (ان كان الغرض منه التهويش طبعاً)
الكلام ده سابق لأوانه بكتير والحاجه المحزنه انه يطلع من رئيس الدوله والمحزن اكتر انه استاذ جامعى يعنى المفروض يكون عارف يقول ايه وامتى ، لازم يكون كلامه واضح وهدفه واحد مبنى على ترتيب ودراسه واستشاره من -متخصيصين مش مقربين(اللى هيودونا ف داهيه)- و الخطاب ف مجمله انا مفهمتش الموقف الرسمى ايه؟ احتواء اثيوبيا ولا عداء اثيوبيا ، اتحدى ان حد يكون فهم.
خلاصه المشهد سلطه ملهاش ف اى حاجه حتى التعامل مع الازمه يتم فى منتهى السذاجه ،تدعوا للحوار و فى نفس الوقت تلوح بالعنف وكأنهم يروا ان اثيوبيا دى فى منتهى السذاجه ، و باقى الاطراف كانوا يجوبون الفضائيات يتحفوننا بتحليلهم للقضايا المعاصره وعندما عرض عليهم اعطاء الرأى فى قضيه هامه كانت فضيحتنا بجلاجل.
المشكله ان فيه مسلسل ف رمضان الجاى هيكون من غير فنانات (كارثه) والمذيعه بتتكلم بحرقه وازاى ده يحصل والقواعد الفنيه ومش عارف ايه وكلام يصعب على امثالى فهمه....
سيبنا من الكلام ده خلينا ف البرنس اللى عايز يضغط على اسرائيل عشان متمولش السد الاثيوبى يقوم يقترح ان مصر تفتح معبر رفح امام البضائع كورقه ضغط على اسرائيل -طبعاً بغض النظر عن باقى الابداعات اللى طلعت بيها من الاجتماع ده- لاكن دى بالذات فقعتنى، فى حاجه مهمه هو ليه البضائع بتدخل عن طريق كرم ابو سالم من اسرائل ف الاساس؟
لأن فى اتفاقيه مصر ملزمه بيها مع اسرائيل يكون معبر رفح عبور افراد فقط، وطالما ان مش هينفع تفتح المعبر لحاجه زى دى فأنا من موقعى هذا بقترح اننا نوارب المعبر امام حركه البضائع منفتحوش ع الآخر.
بس سؤال ايه علاقه المعبر بالسد؟!!
يمكن كل اللى فات يمكن تجاوزه ،لاكن عندما يتكلم رأس الدوله الكل لازم يسمع ، رئيسنا ادام الله خطاباته ولا قطعها من عاده المح بضربه عسكريه لأثيوبيا ،بالنسبالى مبيعجبنيش اسلوب الجعجعه الفاضيه ومعرفش ان كان بأمكاننا نعمل كده ولا لأ خاصهً ان اثيوبيا دوله حبيسه وتبعد عننا حوالى 2000 كيلومتر ،وبعيدين حاجه زى دى مينفعش فيها التهويش (ان كان الغرض منه التهويش طبعاً)
الكلام ده سابق لأوانه بكتير والحاجه المحزنه انه يطلع من رئيس الدوله والمحزن اكتر انه استاذ جامعى يعنى المفروض يكون عارف يقول ايه وامتى ، لازم يكون كلامه واضح وهدفه واحد مبنى على ترتيب ودراسه واستشاره من -متخصيصين مش مقربين(اللى هيودونا ف داهيه)- و الخطاب ف مجمله انا مفهمتش الموقف الرسمى ايه؟ احتواء اثيوبيا ولا عداء اثيوبيا ، اتحدى ان حد يكون فهم.
خلاصه المشهد سلطه ملهاش ف اى حاجه حتى التعامل مع الازمه يتم فى منتهى السذاجه ،تدعوا للحوار و فى نفس الوقت تلوح بالعنف وكأنهم يروا ان اثيوبيا دى فى منتهى السذاجه ، و باقى الاطراف كانوا يجوبون الفضائيات يتحفوننا بتحليلهم للقضايا المعاصره وعندما عرض عليهم اعطاء الرأى فى قضيه هامه كانت فضيحتنا بجلاجل.
